Thursday 11 December 2008

عايزة فرحتها تكمل لاخر درجة بس قدر الله وما شاء فعل

salam alikom

لما تشوف حد وتقول هو ده صاحبي

حصلتلي مع نوودا...

لدرجة وصلت انه سبحان الله احنا الاتنين شبه بعض وبيتلخبطوا فينا احنا الاتنين

وواحدة سائلتنا هو انتو توئم

هو اتفاق رووحي وفكري بيطبع على بعض

والله بحبها ومش متخيلة نفسي من غيرها

والنهاردة الساعة 6 كانت خطوبتها

ومن قبلها وانا بعد نفسي لليوم ده عشان نفسي اكون معاها والله اووي اووي اووي

بس فعلا حاولت ولاخر لحظة معرفتش

مكانها في اكتوبر وانا في الجيزة يعني ساعتين رايح وساعتين جااي يعني على 10 بليل

طيب هاخد اخويا معايا....بس للاسف اخويا مش فااضي

طيب هااخد يحى معايا...مينفعش لازم يكون اكبر منك

بجد اول مرة احس اني مكبلة وعاجزة

عااايزة اكوووووووون جنببببها


عايزة اكوووووووووون معااااها


عايزة فرحتها تكمل لاخر درجة

بس قدر الله وما شاء فعل

القدر ان الواحد يكون بنت

ولاول مرة في حيااتي اتمنى اني اكون مخطوبة عشان اعرف ارووح معاها

و اني اكون ولد عشان تكون الظروف متاحة ليا عشان ارووح هناك في اي وقت واجي في اي وقت

بجد قبل ما هي ما تغفر لي اني مكنتش جنبها في اليوم ده...انا مش غافرااه لنفسي

نوده بجــــــــــد كان نفسي اكون جنبك والله

بس قدر الله وما شاء فعل

انا اسفة

Wednesday 10 December 2008

كل عام وانتم بخير...والف مبرووك لحبايبي

salam alikom


كل عاام وانتي بخير يا بلوجتي

وكل عاام وانتم بخير

وكل عام والامة الاسلامية بخير


بمنااسبة خطوبة اتنين من صديقااتي

الف مبرووك لنوونا ود.طاارق


وان شاء الله


الف مبرووك لنوودا ود.محمد اسماعيل


ربنا يتتملكم بخير ان شاء الله


ويبارك لكم في حياتكم مع بعض ياارب


ونفرح بالفرحة الكبيرة ان شاء الله

Saturday 6 December 2008

إليك إله الخلق أرفع رغبتي

السلام عليكم



إليك إله الخلق أرفع رغبتي

وإن كنتُ- ياذا المنِّ والجود- مجرماً


ولَّما قسا قلبي، وضاقت مذاهبي

جَعَلْتُ الرَّجَا مِنِّي لِعَفْوِكَ سُلّمَا


تعاظمني ذنبي فلَّما قرنتهُ

بعفوكَ ربي كانَ عقودكَ أعظما


فَمَا زِلْتَ ذَا عَفْوٍ عَنِ الذَّنْبِ لَمْ تَزَلْ

تَجُودُ وَتَعْفُو مِنَّة ً وَتَكَرُّمَا


فلولاكَ لم يصمد لإبليسَ عابدٌ

فكيفَ وقد أغوى َ صفيَّكَ آدما


فيا ليت شعري هل أصير لجنة ٍ
أهنا وأما للسعير فأندما


فإن تعفُ عني تعفُ عن متمردٍ

ظَلُومٍ غَشُومٍ لا يزايلُ مأثما


وإن تنتقمْ مني فلستُ بآيسٍ

ولو أدخلوا نفسي بجُرْم جهنَّما


فَللَّهِ دَرُّ الْعَارِفِ النَّدْبِ إنَّهُ

تفيض لِفَرْطِ الْوَجْدِ أجفانُهُ دَمَا


يُقِيمُ إذَا مَا الليلُ مَدَّ ظَلاَمَهُ

على نفسهِ من شدَّة الخوفِ مأتما


فَصِيحاً إِذَا مَا كَانَ فِي ذِكْرِ رَبِّهِ

وَفِي مَا سِواهُ فِي الْوَرَى كَانَ أَعْجَمَا


ويذكرُ أياماً مضت من شبابهِ

وَمَا كَانَ فِيهَا بِالْجَهَالَة ِ أَجْرَمَا


فَصَارَ قَرِينَ الهَمِّ طُولَ نَهَارِهِ

أخا السُّهدِ والنَّجوى إذا الليلُ أظلما



يَقُولُ حَبيبي أَنْتَ سُؤْلِي وَبُغْيَتِي

كفى بكَ للراجينَ سؤلاً ومغنما


ألستَ الذِّي غذيتني هديتني

وَلاَ زِلْتَ مَنَّاناً عَلَيَّ وَمُنْعِمَا


عَسَى مَنْ لَهُ الإِحْسَانُ يَغْفِرُ زَلَّتي

ويسترُ أوزاري وما قد تقدما



Monday 24 November 2008

جدعان مية مية

salam alikom

عشت وسط شلة وقفو

جمبى بدون
شروط

طلعو ناس كدة م اللى هي دوغري دى في قلبك تفوت

وقلوبهم بيضة صافية حقيقي جامدة موت


ونفوسهم بردو اغلي م الدهب وم الياقوت

مليانة حسن نية وكرامة بدون حدود

ومحبة م اللي هي بتعمر البيوت



بتعمر البيوت

جدعان طيبين وبقلب ابيض كبير

جدعان مية مية قوى قوى قلوبهم عمرانة خير

i'm free... i said i'm free

salam alikom


i'm free... i said i'm free



احساس الحرية قليل على الي الواااحد حااسس بيه



اول مرة احس بالاحساس الي كنت حااساه قبل كده

افتقدته سنة وعدة شهور

الوااحد كان بيحط على نفسه ضغوط ومسؤليات في سبيل هدف معين

وكان بيسعى انه يحققها لكن طبيعي جدا ان لكل هدف تنازلات معينة

بس لما التنازلات دي بتزيد وتوصل لدرجة معينة باقتراب للحدود الحمراء

ساعتها فولستوب كبيرة نحطها




والله صعب جدا عليا اني اقول بقدم استقالاتي وسط نااس عررفتهم كويس جدا

وتقريبا اتربينا سنة ونص سواا وكل وااحد بيحترم الاخر

لكا سهل عليا لما اتجاوز عن حدودي واقدم تنازلات لا اقدرها في سبيل هدف لم يحقق

هنا بقى ابدء اقول ...الوداااع يا تيم سبرت




الاهداف متغيرة وسهل تحقيقها بالمرونة للوسط المحيط ومع الاشخاص

بس كرامة النفس والمبادئ والقيم صعب انها تكون مرنة عند اضيق حدودها

بس كثرة المحاولة دون جدى في هدف اصلا سقفه 60% في الوسط المحيط جوى الكلية دون جدوى

يبقى ساعتها الوداااع




اتفقنا على اهدااف معينة وحاولنا بس معرفناش نوصلها واعترف بالفشل في تحقيقها

بس اعترف بالنجاح في شرائي لما تبقى مني وبالنصر كمان




يمكن كلام مبهم بس والله حاساها هو الي عايزة اطلعه من جوايا

لاني حاااساه قرار صح في وقت صح يمكن الوقت اتاخر شويتين بس الحمد والشكر لله على الهداية للقرار الصائب



﴿ ((الحمد لله الذي هدانا لهذا وما كنا لنهتدي لولا ان هدانا الله )) ﴾





اللهم ارزقنا الصدق والاخلاص في القول والعمل

اللهم بارك لنا فيما اعطيتنا ولا تحرمنا مما عندنا ومما يستره لنا لاصلاح ارضك ونشر الخير

اللهم تقبل منا يارب العاليمن


Sunday 23 November 2008

salam alikom


النت رجع يااا بلوجتي
على قد ما انا سعيدة على قد ما خلاص اتعلمت
النعمة بتقدر في غيابها لو كانت نعمة
نعمة في استخدامها
سواء في خير او في تعلم واستفادة


بس بالفعل كانت حيااة مش فاضية في غياب النت
كنت متخيلة اول ما النت يقطع الجهاز هيبقى مهمل وحالتي هتسوء والخ من السلبيات
على النقيض تماما
كان في رااحة بال و وقت كتير عشان الواحد يصفي نفسه من همومه
ويعيد تفكيره في قراراته وفي كل حااجة في حياته


كانت الحاجة الوحيدة الي في خاطري ساعتها للنت هي البلوجة عشان اطلع فيها خواطري
بس في اكتر من وسيلة
كشكول...سواء كنتابات او رسومات يكفي فيض افكارك حتى لو فكرة او خاطرة والواحد ماسك القلم
او ملفات الورد على الجهااز الي بتحس فيها انك بين السطور ككلمة


فعلا حاسة ان حياتي اتغيرت في الفاصل الي اخدته ده
عسى ان تكرهوا شيئا وهو خيرا لكم))))


النت مش هو الهواء للمواهب ولا هو ماية للشباب
عمروا ما يكون اساسي في حياتنا
هو بديل لغيره الي بتريح


ومع ذلك بعترف اني بحس براحة وهو موجود

Sunday 5 October 2008

اعلان لكورس لد.ابرهيم الفقي

salam alikom


شباب في كورس لد.ابارهيم الفقي عن bussiness communication


يوم السبت 18\10


في قاعة اازهر للمؤتمرات -شارع الطيران-مدينة نصر


والشهادة من المركز الكندي بتوقيع د.ابارهيم الفقي


السعر 107,40
للتسجل والاستعلام

0112483486

missing missing missing

salam alikom
mising missing missing
:)

Wednesday 25 June 2008

FoR a WhiLE...NeEd Ur AdViCe

salam alikom

محتااجة جلسة اعااد تقويم مع نفسي جلسة محاسبة يعني


لان كل وااحد فينا بيمشي في حياااته بمعتقدااته ومبادئه والي شاايفه بوجهة نظره صح وهو طبعا قاابل اللتعديل


وممكن الظروف تجبرك انك تتنازل عن حاجات انت في غنى عن تناازلهااا لانها اساسية عندك


بس تنازلك عنها هيكون في مقابل تحقيق اهداف اخرى اقوى من التناازلات وهتغطي على خسارة التنازلات


وكلهم في طلب مرضاة الله...بس مهما كانت الاهدااف برده التنازل هيكون اسمه تنازل....باسمه ومعناه ومضمونه وخسايره


واكيد كلوااحد بتيجي عليه هفوات وبينسى تقدير الامور واتزانها مع نفسه


بيفلت منه المعااير مرة وينسى المرة التانية لغاية اما في الاخر يكون الحصااد


شخص اخر هو انت..بمميزات وعيوب...بس هو انت...بس مش انت


وقفة مع النفس عشاان اتذكر انا اتخلقت ليه وايه هي حدودي وايه هي انا وايه هي حياتي وازااي تكون هي


﴿ "وما خلقت الجن والانس الا ليعبدون" ﴾


وقفة مع النفس لاعادة الوااقع ...

اللهم دبرنى يامدبر فانى لا احسن لنفسي التدبير



Sunday 1 June 2008

يوم حالم

salam alikom


يوم حالم

اكون وسط صحااابي

ساارة جااية من بعيد وهي بتبتسم ابتساامتهاا الي بتطلع كل الي جوااها

بنكة تيجي وكانها تطير وهي عايزة تقول ما بدااخلهااا

ونودة قاعدة جنبي على يميني وانا وهيبنتهاامس عن نوونااا

ونوونا قاعدة على شماالي وهي ببتسم ونااوية على حركة من حركااتهاا

ومنااار عمالة تطنط حواليناا وهي بتضك ضحكتها بتاعت الاطفاال

واطوطة تضحك بصوت عاالي يرن وكلنا نسخسخ ونقولها وطي صوتك

وزمردة وااقفة قصاادنا وهي حااسة بالحنان في اصحاابها


واحنا بنهزر سواا وبنضحك ضحك من قلبنااا

وكان مفيش هموم ولا مشااكل ولا اي حاجة تزعل اي حد

نخرج نرووح مكاان كبيير وااسع ونحس ببركة ربنا فينااا

نحس ان احنا بشر ربنا انعم علينا بنعمة ...نعم ادرااك حب الله


نعقد سوااا من الصبح بدري لغاية الظهر كده

وبعدها نروح مكان التجمع عشان نروح زيارة لمعهد الاورااام


نستنى اما ندخل ونقعد مع التيم بتاعنااا نقول النوايا بكل صدقواخلاص لربنا

وجوهنا نبقى منيرة وخااشعة لربنا وكلها ايماان بقدرة ربنا ورحمته


ندخل الدور الاول ومعانا اللعب ونعقد نلاعب الاطفاال

وبعدها نخلص الاودة دي فالي بعديها فالي بعديهاا

وناااخد حسنااااات كتيرة اووي


وبعد ما نخلص كل واحد يرووح على بيته وصاادق النية لله في عمل الزيارة

وتجمعه من احب في اليوم ده

ارجع البيت بابا يفتح الباب يحضني جااامد

ويبتسملي ابتساامته الي بحبهااا

ونعقد نشااكل في بعض

وماما تشاركنا القعدة ويليها اخوااتي وفاامي تيجي تعقد جنبي

يكون جوو محبة من غير خناااق من غير مشااكل

نعقد لغاية الفجر

وبعدها بابا يكون الامام ونقف انا واخوااتي وكاننا جبال ببركة ربنااا ونصلي جمااعة

وبعدها نقعد نقرء قراءن زي ما اتعودت مع اخوااتي واحنا صغيرين


وارووح انااااااااااااااااااام في سباات عميق

لنهااية يوم احلم بيه

والله عايزااه بس وبعدها مش عايزة حااجة


ياارب عفوك ورضااك يا الله

فما قولي له لمااااااااااا

salam alikom



ليه بقيت كل ما اشارك في البلوجة دي
او حتى اتفرج عليها او اقرء بوستاتي ال كنت بكتبهااا بقيت حاااسة اني هعيط؟؟؟


ليه بحس فعلا باني انساانة صغيرة مكسوفة اني اكتب
ليه بحس اني عايزة اكتب كتير ولما افتح نيو بوست مش بلاقي الي اكتبه
مش بلاقي الي ابدء بيه من كترهم؟؟؟


ليه حااسة اني مفقتدة وقت ساابق من الدهر كنت فيه في قمة
وحاسة دلوقتي اني في قااااااااع؟؟؟


ليه حاااسة اني بهد مش ببني
ليه بحس كل ده والكثير
ليه بقيت كده؟؟؟


طب ليه بيعيط بجد؟؟؟
ياترى كل ده مصدقية واقعيتها كبيرة؟؟؟
ليه مش بلاقي اجااااابااااااات؟؟؟


ليه كل ما بسمع الاغنية -النشيد- الي على الجنب بحس اني فعلا في ذروة ضعفي
في قمة انهيااري؟؟؟


لييه في ذكريااتقديمة كتيرة حلووووووة ومفقتدينهااا
ليه مش بتكرر؟؟؟


ليه حبيت نااس من قلبي واعتبرتهم اخواااتي وبجد كنت مبسوطة بيهم اووي كلهم بلا استثنااء
اعتبرتهم تماما زي اخوااتي في الله
ودلوقتي حااسة ان في فجوة كبيرة
وان دلوقتي مش زي زماان؟؟؟


ليه الدنيا بتاخد مننا براءة مشاعرنااا وتفكيرنااا و منطقناا؟؟؟


ليه دايما بحس ان في فرق بين رووما حاليا عن سابقا
مش فرق بس ده استبداال اخر؟؟؟


فما قولي له لمااااااااااا
فما قولي له لماااااااااااا
فماااا قولي له لماااااااااااا
يعاااتبني ويقصيني

العقــــل ام العاطفـــــة يا رووما؟؟؟؟!!!!

salam alikom



افكاار كتيرة في الجمجة عايزة تتكتب فعلا بس مش عارفة ابدء منين

عقل او عاطفة
كلاهما سوااء
كلاهما مسيطر
لكن في ظل هذه الظروف
في ظل الدنيا ومواويلهااا

ساظل اغلب العقل على العاطفة الا ان يكون المصير حتميااا لا مفر منه

هتكلم بالرموز بقى عشان مش هينفع اتكلم صريح
طيب هو انا كده صح ولا لاء؟؟؟
طيب هو لو انا صح ليه الموضوع منتهااش؟؟؟

طيب لو انا مش صح الحل التاني هو الي صح يعني؟؟؟؟
طيب لو الحل التاني هو الصح ايه ادلة مصدقية صحته؟؟؟؟
ادلة صحة صحته؟؟؟

ادلة صحيحة بوجهة نظر...بس من وجهة نظري العكس
بنسبة 50% اقللها

حكمت بالعقل برده وقولت ادلة وصحة ومصدقية

طيب هو الحكم بيكون ازاااي؟؟؟

طيب هي العاطفة ميتة عندي؟؟؟؟
لو ميتة مش عايزاها تصحى
ولو حية عايزاها تموت
هههههههه
قصدي عايزااها تفضل بكنترول عليهااا

بس فعلا تساؤلات كتير
اسبابها كتير
حلها واحد
مش عارفااها او مش متاكدة هل ليا الاحقية اني اتصرف بيه ولا لاء

ربي فوضت امري اليك

Monday 19 May 2008

مولاي اني بباك

salam alikom wa rahmat allah wa barakatoooooooo


ياااارب اللهم اني اشكو اليك ضعف قوتي وقلة حيلتي...



وهواني على الناس...انت ارحم الراحمين...



انت رب المستضعفين....وانت ربي...



الى من تكلني... الى بعيد يتجهمني...او الى عدو ملكته امري...



ان لم يكن بك علي غضب فلا ابالي...ولكن عافيتك هي اوسع لي..



.اعوذ بنور وجهك الذي اشرقت له الظلمات وصلح عليه امر الدنيا والآخرة من ان ينزل بي غضبك...



او يحل علي سخطك...لكن لك العتبى حتى ترضى...


ولا حول ولا قوة إلا بك...



رُفِعَتِ الأقْلامُ وَجَفَّتِ الصُّحُفُ

salam alikom


قال رسول الله:
" يا غُلامُ، إنِّي أُعَلِّمُكَ كلِماتٍ:
احْفَظِ
اللهَ يَحْفَك، احْفَظِ اللهَ تَجِدْهُ تُجاهَك،
إذا سأَلْتَ فاسْأَلِ اللهَ، وإذا اسْتَعنْتَ فاسْتَعِنْ باللهِ،
واعْلَمْ أنَّ الأُمَّة لَو اجْتَمَعَتْ على أَنْ يَنْفَعُـوكَ بِشَيءٍ لَمْ يَنْفَعُوكَ إلا بِشَيْءٍ قدْ كَتَبَهُ اللهُ لَكَ،
وإن اجْتَمَعُوا على أن يَضُرَّوكَ بِشيءٍ لَمْ يَضُروكَ إلا بِشَيء قد كَتَبهُ اللهُ عَلَيْكَ،
رُفِعَتِ الأقْلامُ وَجَفَّتِ الصُّحُفُ".
رواه الترمذي


هو ده البوست الي عايزة اقوله
وفعلا موقنة بيه تماما
لانه هيعبر عن كل الي كنت هرغي فيـــه
:)

Sunday 27 April 2008

تعبت

salam alikom wa rahmat allah wa barakatooooooo

مش عارفة اقول ايه

بس نفسي الاجازة تيجي عشان ارتااح من كتل المواد دي

ايوة هيبقى في معايا بيو بتاعت الترم الاول

بس هيبقى هم مادة احسن من هم خمسة

:(

Tuesday 25 March 2008

رسالــــــة الــــى ...

salam alikom wa rahmat alah wa barakatooooooo
مفتقدة جدا احساس اني اطلع من الي جوايا في البلوجة...:(

بلوجتي عالمي الخاااص...



رسالة الى ماما...

ماما...اشكرك بكل الطرق على كل يوم نصحتيني فيه
على كل يوم سهرتي جنبي فيه في مرضي
بالذات ايام العيد الي كنت بمرض فيها كل سنة
ايااام سهري في الثانوية العامة عشان اجيب مجموع زي ما كان مزروع في كل الطلبة في مرحلة الثانوية
شكرا على كل حااجة عملتيها لياااا يا ماما...

مش عافة اقول ايه تااني ليكي لاني بعجز اني الاقي حااجة تنااسب وتيجي حااجة جنب الي قدمتتيه ليااا
دلوقتي من خمس دقاايق قبل ما اكتب البوست ده بالظبط...
قاعدة على النت وبشاارك في موضوع على المنتدى...
سمعت ماما بتقول بصوت عالي....ايـــــــــــــــــه... بالطبع قلبي في رجلياااا...
روحت بسرعة عشان الحق اشوف ايه الحاال...

لقيت ماما جااية بتقول ان خالتها توفت...وهتروح هناك واحتمال تبااات كمان...
خلي بااالكوا من البيت...:(
اول مرة اشوف دموع في عيونك يا ماما...
دموع حزن لفرااق حبيب...خالتك الي كانت زي مامتك...

مش عارفة اقول ايه والله...
بس كاتمة دموعي وكلمااتي اني اعبر عنها

ربنا يغفر لها ياارب ويشملها في رحمته ياارب

ويجعل قبرها روضة ويخفف عليها عذاب القبر... ربنا يغفر لها ياارب




رسالة الى بابا...

حرااام بجد يا بابا...
مفتقدة تماما احساس بوجودك جنبي
وجودك في حيااة بنتك يسااوي كتير...
نفسي والله تكون جنبي في كل يوم بيعدي علياا
نفسي تشوفني وانا بكبر..
في فكري وتفكيري وحيااتي واعمالي ودرااستي

انا اسفة على النتيجة الي عرفتها مؤخرا...وقدر الله وما شاء فعل

بس بجد نفســـــــــــــي وموناايا جدا جدا جدا انك تكون جنبي زي زمااان
فاكر لما عاتبتني مرة بقولك لي "الي بعيد عن العين بعيد عن القلب"...
فااكرة لحد دلوقتي المنظر
فااكرة رد فعلي من معااتبتك اني عيطت جااامد وزعلت منك...
وقولت ازااي تسمح انك تفكر اساسا في كده

كل يوم بيعدي عليااا ولما بفتكر المثل ده...بزعل جدا وبضحك جدا
هم يضحك وهم يبكي...
لانه اصبح ملموس ...بس مش وااقع
شكرا لانك احببتني يا باباتي..
وربنا يرجعك بالسلامة ليا تااني
والله بحبكواا يا بابا ويا ماما
ربنا يبارك فيكوا ياارب ويخليكوا لياا ياارب

ربنا يغفر لكم ياارب ويغفر لي كمااان ولكل اخوتي والمسلمين جميعا
ياارب



Wednesday 12 March 2008

new blog

salam alikom wa rahmat allah wa barakatoooooooo

top top top secret

be with my lonely world

but lonely is so lonely

what should i do????

انا آسفــــــــــة

salam alikom wa rahmat allah wa barakatoooooooo

يااربي انا اسفـــــــة

اسفة على كل وعدته ولم اوفه

اسفة على كل ذنب اذنبته ولم استغفر عليه

اسفة على كل لفظ لفظته ولم انتقه

اسفة على كل عمل عملته وشارك في نوايا عمله نية لم تخلص كاملة اليك

اسف على كل خطأ لم اعترف به

اسفة على كــــــــــــــــل حااجة

Thursday 28 February 2008

salma ... halah

salam alikom wa rahmat allah wa barakatooooooooo






salma...halah


سلمــــــــى...هااالــــــــــــــة


كان يوم من الاياام


نروح المدرسة مع بعض ونعد نلعب مع بعض


نتنااافس في الدرااسة مع بعض


ونرجع البيت سوا سواا


ونعد نلعب برى لغااية اما نتعب


:)) ... كوول


اياام وموااقف بجد ليها ذكريااتها تضحك الوااحد


كنا ثلاثي مرح بجـــــــــــد


لغااية اما القدر قدر بالفرااق ...


بس والله فرااق وجودنا مع بعض في مكاان واحد لا اكثر


لسه فااكرة كل حااجة وهفضل على طول بدعيلكوا بالخير


وياارب تكونوا مازلتوا فاكرني وبتدعولي برده بالخير

yesterday once ago

salam alikom wa rahmat allah wa barakatoooo




yesterday once ago

u was every thing for me

and i used to say

TrUe FrIeNdS ToGeThEr FoReVeR

yeah...it's real

but
but
it's real if we share it together

i'm indeed missing it's real

Friday 15 February 2008

salam alikom wa rahmat allah wa barakatooooooo
م
ش

م
س
ا
م
ح
ا
ك
ي

Friday 8 February 2008

الشاايل ينزل ايده

salam alikom wa rahmat allah wa barakatoooo
اول مرة من اول ما عملت البلوجة دي امسح الي كتبته واحاول اكتب من جديد
نبدء من جديد
كالعاادة وبكل سعاادة
احم احم
النتيجة باانت عندنا في بيطري القااهرة
كنت متوقعة اني هشيل كل الموااد بصرااحة
بس الحمد لله جت سليمة وجت في ماادة واحدة
بيو كمستري ... بيو يعني بيو
من سلالة الكيمي كيمي كااا
خير ان شااء الله

Sunday 13 January 2008

ليست مشكلتي

salam alikom wa rahmat allah wa barakatoooo

ليست مشكلتي إن لم يفهم البعض ما اعنيه..
فهذه قناعاتي ..
وهذه افكاري ..
وهذه كتاباتي بين يديكم أكتب ما اشعر به ..
وأقول ما أنا مؤمن به ..
ليس بالضرورة ما أكتبه يعكس حياتي الشخصية ...
هي في النهاية مجرد رؤيه لأفكاري..
فهذه انا
وهذه نفسي
وهذه حياااتي
وهذا ديني
م*ق*ت*ب*س

Monday 7 January 2008

انا فيـــــــــــن؟؟؟

salam alikom wa rahmat allah wa barakatoooo


انا فين من ربي


من ديني


من نفسي


من علمي


من درااستي


من اهداافي


من اهلي


من اصحااابي


من حياااتي


انا فيـــــــــــن؟؟؟