يوم للخريجين

salam alikom wa rahmat allah wa barakatooooooooooo

مش عارفة اقوول ايه...كالمعتااد...يوم حلوو

(سوري يا جماااعة عشاان كنت قاعدة وراا فالتصوير بلا ملامح...كانكوا شوفتوا كل حااجة:) )

باعتبار ان النهااردة عشان السااعة عدت الثانية عشر هقول امباارح اتعرضت لعظة

واخدت جرعة امل ونشااط وتحفيز...

احتفال في جااامعة القاهرة بخريجي دفعة ماايو...(سنة معينة)...الاواائل...:)

عقبالنا ياارب كلنا ياارب ...

وبعد الافتاااح بآيات من كتاب الله عز وجل ...رطبنا بها صدورنا...

تشرفت المنصة باكثر من شخصية قيادية نرفع لها القبعة وياارب نكون في يوم من الايام زي مناصبها...

وسمعنا كلمات من عميد كلية الطب البيطري"هاااني جوهر"...ورئيس جااامعة القااهرة...ودكتور ربيع في قسم رعااية الحيوااان

وتم تشريفنا بسمااع ما القته الاولى في الدفعة الي تم تكريمهااا...

الدكتورة مي...

واثرت فيا اووي كلماتها لوالديها...بجد الدموع كاانت على وشك...

افتكرت فيها والدي و والدتي...يااه ...هو هيجي يوم هكون فيها مكانها...مش عايزة اقول يستحيل لان ربنا قااادر ولاني عزمت...

بس بجد نفسي افرحهم...

في اثناااء تكريم الطلبة الاوااائل...كل ما بنوتة تطلع...واهاليهم تصقف بحراارة...بجد كنت بفرح اووي...

بتخيل شعورهم...اد ايه هم فرحااانين بفلذة كبدهم...بابنائهم...الي كاانوا لسه صغيرين...اد ايه هم فخورين بيهم...

ربنا يرزقكوا يا ماما ويا بابا واقدر افرحكوا ولو باي حااجة صغيرة...

فكرت ان السنة الجااية مين الي هشوفهم...الي في سنة راابعة ...

والسنة الي بعديها...الي في سنة تاالتة ...

والسنة الي بعد الي بعديها...اليفي سنة تاانية

وكل فرقة بتنتقل لفرقة اعلى ...ربنا يوفقهم كلهم ياارب

واثنااء القسم...رفعت ايدي وانا بمثل وايدي فضلت مرفوعة وانا سرحااانة..لغااية اما صااحبتي قالتلي انتي راافعة ايدك ليه...دا ليهم بس عشااان اتخرجوا...

ياااه...مش هستعجل قدري ولا الزمن...لان ان شاء الله هيجي يوم واكون مكانهم ان شاء الله...

يا مسهل ياارب...

بجد تشرفت وازددت شرفااا...