فعلا الدنيـــــــــــــا خربااانة

salam alikom wa rahmat allah wa barakatoooooooo

اخيرا هتسنح لي الفرصة اني اتكلم ...

اكتر حاجة بحبها في المدونة دي ان مش كتير الي بيدخلوها مع الاحترام التاام للي بيدخلوها سواء بيقرؤها او عملوا بوستات كمان

بس عايزة اتكلم ونفسي اتكلم بس خايفة اتكلم وحد يزعل مني...

فضفضة نفسيا...

مش عارفة اعمل ايه ومعدتش عارفة...فعلا ايقنت ان الحياة صعبة

ودايما بسمع الي اكبر مني بيقولوا ان الحياة العملية اصعب وهقااابل حاجات كتير

اصعب من كده...اخ...مش عارفة

طبعا انا عارفة انه مش لازم ايأس خااالص...فعلا انا عندي امل

بس الي اتلسع من الشوربة ينفخ في الزبادي او ينفخ فيها تاني لما ييجي يشربها

لحن بؤؤس..دا الي بقى مسيطر عليا الفترة الي فااتت

النت كان قااطع ولما بدخل بدخل من تليفون البيت زي ما دخلت دلوقتي او من اي من الكلية..او المدينة..اذا ازمت

دايما كنت بعتبر النت والمنتدى الي بدخل عليه والمنتديات كلها اساسا...مكان بتطلع فيه شخصيتك وبتعامل الناس من جوااك يعني شخصيات بتتعامل ...كنت بحب انميها واتعامل بما يرضي الله فيها وكل كلمة كنت بقولها كنت بحس بيها

ومكنتش بحب بتاتا اني انافق حد...ممكن اهاود بس مش انافق

مش اختلق شخصية غير شخصيتي

النت اثر فيا واندمج مع شخصيتي

رووما الي على النت بقت شبه كربونة من مريم الي على الحقيقة

مش عارفة مين الي بقى كربونة من مين

ببص على السطر الي فوق الي فوق رووما و مريم

ايه الفرق بينهم..اختلاف طفيف نوعا ما بس اذا عزلناهم الحصيلة لاشئ

*********************************

اصعب حاجة انك تعامل الناس بكل احترام وتقدير..وتيجي في يوم متلاقيش غير نقد

اصعب حاااجة انك لما تثق في اصحاابك واصحاابك المقربين الي اخترتهم بناءا على حاجات كتير وتوافق تااام ومش من الباب للطق كده...ويجي في يوم تكتشف انهم بيحيوا حيااة تانية من وراك

ياااه...صعبة اوووي...بس ياترى لما تيجي تقرر هتقرر ايه..

هتسحب الثقة من صااحبك ...ولا هتديله فرصة تاانية

مش هتعرف تفصل بين صااحبك والناس التانية المحيطة بيك

وهتسحب من الكل الثقة

دا على اساس انك بتدي الثقة لكل الي بتتعامل معاهم بدون استثنااء ولما بيصدر فعل بيخالف تفكيرك ومبادئك بتستحبها

هي مش فيزا ولا كريتيد كارد

وفي نااس العكس بتعامل الكل وبتدب الثقة للي عايزاه وشايفااه انه يستحق

وفي نااس بقى مش بتدي الثقة لحد خاااالص...

يووه...انواع كتير..:(

اصعب حاااجة انك لما تلاقي كلام بيتقااال من وراك ومناقشات كمان وانت في البطاطا

(حلوة البطاطا دي...جوعت:d )

.. وتعرف كل حاجة من اصحاابك بطلوع الروح...وانت مش عارف النية ايه..نكمل

زمان كنت مقتنعة تمام ومااازلت والله وهفضل على طوول ان شاء الله مقتنعة

ان كل الناااس فيهم خير بيختلف المقدااار طبعا...

بس كله فيه بذرة خير وبطريقتهم بتنموا عشاان كده كنت بتعاامل مع النااس بصفو نية وهبل

مش عارفة هو انا كده غلط ولا لاء...

في الفترة الي فاات لبست نظارة سودا ومش عارفة امتى هشيلها...شايفة الدنيا سودا

الناااس بقى معظمها وحووش..مش عايزة اشوف النااس الي كنت بتفاائل بيها..

مش عايزة اتكلم الا نااادرا...انطواء يمكن.

وهو دا السبب في اني مش بحاول ارجع النت او مش بحااول جديا اني اكلم الشركة

.بس هي دي الحالة

ممكن اضحك بس من جوا مش قاادرة

كويس اني طلعت الكلام الي جوااايا..

بس نظرتي اتغيرت للدنيا مش عشاان شلت مااادة...لا والله بتاتا...

كنت دايما بعتبر الناااس الي هتبقى ناجحة هم الي عاايدين السنة ...لانهم بيتعلموا من اغلاطهم

وعااادي جدا الدنيا مش انتهت عشااان مادة...اينعم انا مش بحبها...بس والله مش هي السبب

بس كده...

:)