السلام عليكم
الحمد لله الواحد فاق خلاص واخد الاجازة ونبدء فعاليتنا ان شاء الله
مش حابة اطول في البوست عشان يبقى مفيد
شبكات: عبارة عن مجموعة شبكات الهدف الاكبر من ورائهم ان تقع فريسة بينهم
قارنوا بين الثلاث شبكات
نبدئها من شبكة الشعب المستقبلية: شبكة اتصالات
اتصالات لاتصالات ب 15 قرش ومن اتصالات لاي شبكة اخرى ب 35 قرش طبعا غير عرض 20 الدقيقة لكل الشبكات الاخرى
ورسائل المالتميديا ب 75 قرش
مش محتاجة كلام كتير عنها لانها قدمت ما كان منتظر منها وبالنسبة لبداية اعلانها بالاستقلال بهواتف الشعب المصري حققت نجاح وكسب الشعب بمقارنها للشبكتين الباقييتين
شبكة الشعب الحاضر : شبكة موبينيل
عروضها الى حد ما افضل من الشبكات الباقية ( التي لم اذكر عنها شئ) وتقدم اختيارات عروضها بحيث تقدر تختار الانسب لك من بينهم
الدقيقة من موبينيل لموبينيل ب 20 قرش والدقيقة في شبكة موبينيل ب 35 قرش لاى شبكة اخرى و ب 45 للخط الثابت و الرسائل ب 25 قرش و مع عرض احسن ناس تبقى ب 15 قرش و طول الليل ببلاش
واول دقيقتين يتحسبوا عليك والباقي خلاص
ومش هتكلم كتير عنها لانها شبكة الجهورية الشومبنجو
شبكة الماااضي للاسف: شبكة فودافون
عروضها قليلة وبتسعيرة عالية والتسجيل بها بعيد المدى
اختيارك للنظام المفضل لك معدوم التفكير
للاستفسار على الرصيد ب 20 قرش وعشان تشترك في ايه او ايه ب 20 قرش او 10 قروش
من فودافون لفودافون بعد ما موبينيل نزلت عرضها ب 20 قرش الرسالة ب 29 قرش
ورسائل المالتميديا ب1 جنيه
والعديد من الخدمات الوهمية زي الدقائق المجانية وكمان انك تعرف مين كلمك بتسعيرة وكتير وكتير
ونظرا لاني في شبكة فودافون من زمان قررت اعتزالها بس قبل ما اتعزلها لازم نسترد ما سرق مننا
وبدعوكم لنشر الاعتصاام الي على اللينك ده
http://www.facebook.com/group.php?gid=82845263855
ومحتاجين اقتراحات اكثر فعالية اريت في الكومنتات عشان يقدموا لمطالبنا اعتبار
ولكم جزيل الشكر والاحترام,,,
-----------------------------
42 comments:
السلام عليكم
حبيبتى الغاليه
اشكرك على مرورك الكريملمدونتى وان شاء الله يبقا التواصل بينا الى الابد
انتى من ناحيتك اتكلمتى كويس وبصراحه بس كل شبكة بنافس الاخرى
انا عن نفسى بقا ليا اكثر من 14 سنه ومغيرتش كله فودافوان بحلوه ومره
بلاقى نفسى معاها وجبت خطوط تانيه ما ارتحتش غير للشبكه دى
عامة تقبلى تحياتى
ايناس
اعتقد ان موبينيل كويسه واتصالات صاعده لكن فودافون مابحبهاش ولا عمرى اتعاملت معاها
تحياتى
والله برافو عليكى
بس انا فودافون ومش هاينفع اغير للأسف:((
مش عارفه رغم ان فودافون ملهاش عروض الا اني بحبها :)
والله بسترخم فودافون من زمان
لله فى لله كده :D
انا شغال بالاتنين التانيين من فترة
بس ايه ده بقي
بلوجك بقي خدمة العملا ولا ايه :D
المشكله يا روما
ان فودافون
شبكتها احسن شبكه فى مصر
ودى بيميزها
اى رقم زيرو عشره او ستاشر او تسعتاشر
ينطلب
يرن
الباقى معظمه غير متاح
الشبكه بتفصل
امال عروضهم اكتر ليه
فودافون بيتهيالى الافضل
لحد ما شبكه من الاتنين الباقيين تتحسن
ازيك يا دكتوره
من اتصالات لموبينيل لفودافون يا قلبى لا تحزن
كلهم بيتنافسوا عشان يشطبوا على جيبوبنا
بس احنا لو ناصحين نتكلم على قد اللى احنا عايزينه وبس وبلاش نرغى كتير
تحياتى
فعلا ممكن تكون عروض فودافون قليلة شوية ومش في قوة الشركتين التانيين
بس بردو هى الشبكة الوحيدة اللي الواحد بيرتحلها
اتصالات افضلهم
بس مش هتقدرى تستردى حاجه من فودافون
نسيتى فودافون اعلى واحده فى حساب النت يعنى لو عندك ويرليس منها
انا بقي مريحه دماغي عالاخر
وجايبه 3 خطوط :))
وبستفيد من عرض كل خط..:)
عاشقة الاحزان,,,ايناس
--------------------
بشكرك لمرورك عزيزتي وتقبلك للموضوع
ما شاء الله من 14 سنة ومحتفظة بيها وباقية عليها بحلوها ومرها وده المطلوب
بالنسبة ليا انا فودافون برده ومش ناوية اسيبها خالص بس عايزين يبقى في مميزات اكتر فيها للعروض وهو ده الهدف من الاعتصام
اشكرك لمرورك وان شاء الله نبقى على تواصل,,,:)
لاسع افندي
---------
منور يا فندم اينعم موبينيل كويسة واتصالات صاعدة وفودافون واقفة مكانها مببتحركش وهي دي المشكلة
بالنسبة بقى انك مبتحبهاش,,,:D
زي اصحاابي بالظبط بيبقى ضرب نار لما نتناقش انهي شبكة افضل
نورت بزيارتك,,,
جريدة الصباح العربي
-------------------
شكرا لاضافاة الاعلان ان شاء الله سيتم الاقتراع هناك,,,
انا برضه بضايق اوى اوى من فودافون و فعلا هى شبكة الماضى زى ما قلتى
بس للآسف بحبها و مش عارفة ليه مش عايزة اغيرها
blue-wave
---------
ويلكم يا فندم
اكيد فودافون اجدع نااس طبعا
الاعتصام مش هدفه التغير الخط
هدفه تغير نمط الشركة في عروضها
انا فوداااااااااافون
ومش قادرة اتخيل اني ممكن اكون حاجة غير فودافون
اما بقي بالنسبة للحرب اللي شغالة كده عيني عينك بين التلات شبكات فبجد دي ملهاش غير تفسير واحد
استنزااااااااااااااااااااااف جيوب المصريين
بس عارفة يا رووما
الناس هي اللي جايباه لنفسها
يا بنتي ده دلوقتي بقت الموضة ان كل واحد يبقي معاه خطين وتلاتة
وبيتباهي بكده وكأنه حقق المستحيل
اما بقي اللي بيستفزني
ان اي شركة تطلع عرض جديد
تاني يوم تلاقي اعلان من الشركتين التانيين عشان ينافسوا بعض
اما الحل فمش عارفة بصراحة ممكن يكون ايه
لان الموبايل ده بقي شئ اساسي في حياة البشر ومضطرين يستعملوه بمزاياه وعيوبه
دائما مواضيعك في الجون يا رووووووما
تحية كبيرة ليكي
وتصفيق حاد
:)
السلام عليكم
انا مش عارف حاسس إن المقارنة بين التلاتة
مش شيء مهم
اعتقد ان هو قانون العرض والطلب
انا ممكن يبقي عندي تلت شرايح لك شركة
بحيث اتمتع بكل العروض ومميزات
بس ده ميمنعش ان فودافون اقوي شبكة فعلا عن موبينيل و اتصالات
مش عارف حاسس ان أمر الاعتصام ده
شيء مبالغ فيه قوي
اسجل رأي لا غير
فودافووووووووون إلي الأبد
رغم إنها غالية
بس محترمة
كيارا باشا
----------
منورة البلوجة وفودافون
وااضح ان فودافون اسرت القلوب فعلا
:D
a7mad sala7
-----------
لله في الله كده...طيب ان شاء الله هتحبها بعد ما تتحسن
عي فعلا الي ناقضها عروض افضل غير كده هي جاامدة
على فكرة خدمة العملاء حاجة جليلة
طبعا يهمنا راحة الشعب وانه ميطحنش وسط الشبكات
منور الجروووب يا فندم...:)
THE illusionist
---------------
يشهد لها فعلا معاك في اي مكان سوق في السطح او ايفن في الجراج
يارب الشبكتين التانين يتحسنوا من الناحية ديه فعلا
منور المدونة ,,,
تحياتي
عمو فشكول
---------
اسعدني كومنت حضرتك وزيارتك,,,شكرا
الترشيد في الاستهلاك ونقلل المكالمات
المشكلة ان تلاقي انت شبكة ومش قادر تتنازل عنها زي فودافون والقوم من الاصدقاء موبينيل وبعد ما تجيب خط موبينيل تلاقي ناس حولت لاتصالات
وبحكم الناس الي معندهاش تليفون في البيت وفي الكلية تلاقي الكريديت خلص في نفس اليوم
ربنا يعينا في البقاء وسط عمليات الفعص دي :)
تحياااتي,,,
MaNoOoSh
---------
سعيدة بزيارتك
شبكة فودافون مستحوذة على قلوب الجمااهير
نورتي,,,
Appy
-----
منورة يا آبي بزيارتك
طبعا مش هنقدر نسترد حاجة من فودافون لانها الاقوى واحنا الي في حاجة ليها بس المقصود انهم يقدموا عروض بدل ما يفقدوا جزء مهم في اسمائهم الا وهو راحة العميل من كافة النوااحي
بالنسبة للي اس بي بتاع الانترنت فعلا فودا اغلى واحدة فيهم بس اعتقد انه اقوى واحدة فيهم من حيث اكيد مبيقطعش وكده
تسلمي لكومنتك وزيارتك,,,
hager za3bal
-------------
انا بقي مريحه دماغي عالاخر
وجايبه 3 خطوط :))
وبستفيد من عرض كل خط..:)
فعلا هو ده الحل عشان نريح دماغنا والي معظم الناس عملوه
بتفكريني باعلان اصحاب كلاس
منورة يا هاااجر
انا ودماغي
-----------
منورة بزيارتك وكومنتك واتمنى متكونش الزيارة الاخيرة ان شاء الله
فعلا اتفق معاكي نفس احساسي ومش برضى اغيرها بس بنسعى نحو الافضل في عروضها ان شاء الله
تسلمي,,,
سفروتة باااااااااااااشا
------------------------
منورة البلوجة والكومنتات وكل حاجة
فعلا بقى كل واحد بيبتباهى بانه معاه اكثر من خط واكيد التليفون حاجة اساسية في حياتنا واحنا الي عملنا كده واكيد مفيش اعتراض
بس الوااحد مفترض يسعى للافضل ويبقى ليه مبدأ
زي معظمنا كده فعلا كله بيحب فودا رغم عيوبها وانا منهم والله وده الي خلاني اشترك واتحمس لموضوع الاعتصام لاني باقية على الشبكة دي دون غيرها
كومنتك جاامدة وتسلميلي يا بنوتة
عمرو وجيه
----------
منور بزيارتك البلوجة وكومنتك
تسجيل رايك مهم وضروري وان لم يكن هناك اتفاق على موضوع الاعتصام
بس اعتقد ان في توافق ان فودافون شبكة جااامدة وفيها عيوب واكيد الاستمتاع بالثلاث مميزات العروض عشان كده الثلاث شرايح تبقى معانا
بس بالنسبة لقانون العرض والطلب بيعتمد اعتماد كلي على حاجة ورغبة المستهلك
والشركة الجاامدة بتبقى بتسعى للافضل وتعمل اكتفاء للعميل ومتخسرهوش حتى انه يجيب شبكات تانية
الفكرة في تحسين العروض مش في تغير الخط من الاعتصام...:)
منور البلووجة يا عمرو
:)
د.ياسر عمر عبد الفتاح
---------------------
منور المدونة وشرفتنا بزيارتك يا فندم
ده تحمس على الاخر فعلا عيش بمبدأ هين فلوسك ولا تهين نفسك
اكيد الوااحد هيطبقه شعار طالما بيتعامل مع شركة محترمة بس غالية
تكرم على زيارتك يا فندم,,,
واضح ان كلنا فودافون
انا بحبها لاسباب لانها اول شبكة عرفتها من ايام لما كان اسمها كليك فكنت حابة اول لما يبقى معايا موبايل يبقى الخط بتاعي فودافون
ثانيا : انا بدخل النت من الموبايل كتير لما بكون مسافرة او في الكلية وخدمة النت اشتغلت بعد كام ساعه من ضبطها على تليفوني لكن موبينيل بياخدو يومين علشان خدمة النت تشتغل عالموبايل
ثالثا : خدمة التجوال مميزة من فودافون وكمان الشبكه قويه
دي اهم الاسباب اللي معايا فودافون علشانها
وياريت ياخدو الاقتراحات اللي عالجروب واللي في البوست في الاعتبار
ana ba7eb vodafone bas hea betest3bet we 7armea besara7a
السلام عليكم
اولا انا اتشرفت بدخول مدونتك الجميله واشكرك على تشريفك مدونتى
اما بخصوص البوست
انا فودافونى وانا معاكى ان فودافون بخيله اوى فى عروضها بس اللى بيميزها عن اتصالات وام نبيل
انها اقوى تغطيه بدليل لو رحتى الارياف ماتعرفيش تتكلمى الا من فودافون
اما الاتصالات فهى النجم الصاعد بجد وهى بتقدم افضل العروض
وقريب جدا هتكون الشبكه الاولى فى مصر اما موبينيل فهى فى الواقعلبتدت تقع اه انا معاكى انها بتقدم عروض مذهله بس ايه الا يخليها تدى على كل خط شنطه هديه وتقعد تتدلل على حاجاتها
انا عارف انى رغيت كتيييييير
دمتى بخير وسعاده اتمن التواصل
انا شبكتى شبكة الشعب الحاضر
بس مفهمتش يعنى ايه شبكة الجهورية الشومبنجو !
بس انا عايز اسأل سؤال
هو انتى فاتحة سنترال ؟
مش عارفه ليه مش بستريح غير فى فودافون بالرغم من ان تليفونى من ذوات الشريحتين وفيه شريحة فودافون وشريحة موبينيل الا انى مش بستخدم موبينيل خالص
يمكن بحب الشركة المستغلة
:))
روما
مالها فودافون بس
الواحد إتعود عليها
وبقى بيبص للشركات التانية باحتقار
ههههههههههه
لابجد
مافيش أحسن من حودافون
تحياتى
البوست ده ياترا لاقط من انهو شبكة
دى اول زيارة ليا بس واضح ان الشبكة عندى كانت واقعة علشان كده اتاخرت طبعا انا اسف
انا عن نفسى باحب موبنيل اوى مهما عملت وعمرى ما فكرت اكون غيرها
بس اليومين دول غيرتها لان شبكتها وقعت تحت الارض خالص
أظن إن شركة فودافون هي الأفضل من حيث التقنيه
ليا واحد صحبي شغال في إدارة موبينيل بيقولي ان فودافون عندهم أحدث نظام في إدارة شركات الهاتف وخدمه العملاء
شكرة موبينيل تعتبر الأقوى من حيث الإنتشار ودا ليه عوامل دعائية كتير اوي من أول اللوجو لحد لغة إعلاناتهم وتشعبها في حياة المواطن المطحون
إتصالات شركة إمارتيه الأصل وفي الإمارات من الشركات الممتازه حقاً لكن في مصر لها عثرات في خدمة العملاء وحجات تانيه مع ان عروضها كويسه
الله المستعان مع اني بحب أستخدم موبينيل اوي عشان رقمي عاجبني وبس :D
سلام عليكم
Rooma miss u ,
this topic is very nice
Ana vodafone lelasaf bs enty 3andek 7aq hya fe3lan 3rodha msh kwayesa
w kaman el7aga elwa7eda ely kanet btomayzha kanet qwet elshabka w de kaman bazet msh zay el2wal...
sa7e7 ana 3'yrt 3enwan elblog mo2qtan "http://lostprincessyasmina.blogspot.com/"
اعتقد ان الثلاث شبكات اسوء من بعض
فالشبكة دائماً بها مشاكل
اما عن العروض والخدمات فارى ان اتصالات هي الافضل وتليها موبينيل اما فودافون لاتقدم اي عروض
دمتم بخير
ام نبيل المفروض بره التنافس
انفصالات بجد اسوء خدمة عملاء شوفتها ف حياتي
مستواهم قليل جداااا
بيعملو عروض حلوه احيانا
لكن بصراحه معرقش ليه بحب فواد دايما.. حتى لو عروضها مش جامده.. الخدمة ممتازه الشبكة ممتازه.. كل حاجه كويسه بجد
المهم شكلهم سمعو كلامكو و عملو عرض ال 1000 رساله ببلاش :d
دمتم بخير,,, رمضـــــان كريم
فودافون هى افضل شبكه تغطيه ...
وموبينيل احسن عروض بس الشبكه مش كويسه
عيب اتصالات الوحيده انها لازالت معتمده على شبكه فودافون !!
Post a Comment